لنگی میں

 لنگی کی فضیلت

نہ پوچھو کیسا ہے اپنا مزاج لنگی میں 

ہم اپنے گاؤں میں کرتے ہیں راج لنگی میں 

🇮🇳

کھلی کھلی سی فضا کی طرح یہ ہوتی ہے 

نہ کوئی چین بٹن ہے نہ کاج لنگی میں 

🇮🇳

ہمارے دیش کی لنگی سے انسیت دیکھو 

ہیں شیو کمار ہنی سنگھ سراج لنگی میں 

🇮🇳

ہم آپ ہی نہیں اس کے تو ہیں سبھی قائل 

ملے گا آپ کو آدھا سماج لنگی میں 

🇮🇳

ہمارے گاؤں میں اور آس پاس شہروں میں 

چلا رہے ہیں سب ہونڈا بجاج لنگی میں 

🇮🇳

سنبھل کے باندھئے پھر آپ ہوشیار رہیں 

ہمیشہ رہتی ہے خطرے میں لاج لنگی میں 

🇮🇳

برا کہو نہ اسے ہے شعارِ دِیں میں سے 

ادا بھی ہوتی ہے رسم و رواج لنگی میں 

🇮🇳

نظر بھی آتے ہیں ایسے بڑے بڑے نیتا 

سنبھال رکھتے ہیں جو سامراج لنگی میں 

🇮🇳

اسی میں ہوتے ہیں اکثر ملنگ و مستانے 

لٹاکے مست ہیں وہ تخت و تاج لنگی میں 

🇮🇳

ہماری بات نرالی ہے ہم ہیں انصاری 

ہمارا آٹھوں پہر کام کاج لنگی میں 

🇮🇳

نہیں ملے گی غزل اس طرح کی پھر ابرار

او یار ہنس لے ذرا آج کھل کے لنگی میں